Foto’s: Jeugd-Zitting 2025

 
We hebbe gegymd, “magische” trucs gezien, gezonge, gedanst, gelache.
We hebbe verwonderd en bewonderd!
Prachtig um oons Wellse jeugd ze enthousiast ôp de buun te zien staon!
Kei trots ôp die jeugdjoertse!
Weej danke oons artieste vur al dat werk dat zeej ien hun optreijes hebbe gestaoke!
Gillie ward echt super! ❤️

Dankewel òk àn alle vrijwilligers die oons geholpe hebbe, dankewel àn de jeugdzittingscommissie,
dankewel àn Ron en Daphne,
dankewel àn Ger Koch Soundsolutions en zien crew.
En dankewel àn oons 2 presentatore Jurre en Hugo…top gedaon!

Carnavalskrant 2025


Hedde ’t weekend al vrij gepland? Dat ge efkes heerlek ôp de bank of ien d’n luie stoel ’n paar uurkes de tied het um de carnavalskrãnt dur te bladere?

Zaoterdag komme oons leeje beej ow àn de duuër um de krãnt te verkoeëpe. Heej stöt wer vol mit schèle wazel 🤪,
ôpmerkelek capriole van mede joertse, alles wat ’t afgeloeëpe jaor belangriek is gewèst vur of beej de Maasjoerts en natuurlek mit hieël veul foto’s
Warde nie thuus? Dan is de krãnt vanaf maondag te koeëp beej Slagerij Ankersmit.
(7 euro contant of QR betaling; 7,25 euro) 

 

Jubileum Escaperoom JCV de Maasjoerts

😨Wie van ôllie gut ’t jubileumfieëst redde?😨
Ter gelegenheid van ’t 6×11 van de jeugdcarnaval het Spokentochten Well ’n escaperoom vur de jeugd gemaakt!
Kan ow gruupke ôp tied ontsnappe um ’t fieëst te redde?
En…kunde gillie van ’t andere gruupke winne?
‘N bietje kunne puzzele, naodeenke of wat hendigheid zien ’n must!
(Mar heej…dat hebbe die jeugdjoertse wel!)
Dees escaperoom is vanaf groep 7!

💥Gèf ow snel ôp, ’t àntal platse is beperkt!
Stuur uuterlijk 4 jan ’n mailtje mit daorien ow naam en ien welke groep of klas geej zit nòr spokentochtenwell@gmail.com.
Ien de wèk vur ’t jubileumweekend kriegde de groepsiendèling toegestuurd.