Vurverkoeëp Zitting 2026

De zitting kumt d’r wer àn! Enne aovend gezellig lache mit mekaar!
En zeas altied…van Well vur Well! 🙌
Zurg dat ge d’r ôp tied beej ziet!

Vurrig jaor was ’t binne enne mum van tied uutverkocht!

Vurverkoeëp 25 oktober bij de Buun
9.00 uur vur Leeje
9.30 uur vur Niet Leeje
10 euro pp

Noa de vurverkoeëp zien de kartjes te kriege via een appje noa 06-45824648

Làtste kans! Joertsepin


Làtste kans! Vervèlde ow ’n bietje dit weekend, dan hebbe weej de ôplossing!
Laot ow creativiteit los en ontwerp de Joertsepin van ’t neeje seizoen! Enne…’t hoeft nie perfect te zien, ’n schets kan al voldoende zien.
Ge kunt ow creatie tot uuterlek maondag iensture. Àn de slag dus!

Wat môtte doen;
➡️ Màk ’n moi ontwerp; Vrije vurm en kluuëre alles mug!
(Uuteindeluk môt ut binne de 4x4cm gaon passe).
➡️Jaortal (2027) en de naam “Maasjoerts” of een (eigesgemakt) logo van de Maasjoerts môt d’r ien vur komme.
➡️Stuur ôw ontwerp als scan, teikening, PDF, Paint etc. Vúr 12 Oktober 2026 nòr; secretariaat@maasjoerts.nl (Ge hoeft genne geweldige teikenaar te zien, ’n schets kan al zat zien).
De maker van ’t winnende ontwerp kriegt enne moije pries en zal vur altied geroemd werre as d’n ontwerper van ’t 68ste seizoen!
Veul succes!
Maasjoertse Hoi!

Zitting 2026


De Zitting kumt d’r àn!

Schrief 13 en 14 November ien de agenda!
Deenkte geej now, “Och, ik heb nog wel ’n leuk idee vur ôp de zitting.
Liekt meej wel leuk um daor ôp die buun te staon” meldt ow dan beej Sjuul Deenen.

Zurg dat ge d’r beej ziet ien de Buun of ôp de buun! 🥳

ànmelde: neeje Jeugdprins of Jeugdprinses

😃 Dit jaor duun we ’t anders! Normaal kieze weej de neeje jeugdprins of jeugdprinses hieëlemaol zelf uut, mar…dit jaor kunde ow urst ànmelde!
Dan wieëte weej precies wie d’r allemaol mit zun muts mit vere of zun kroontje rond wil loeëpe en bepale we dan pas wie die taak gut vervulle. ❤️💛💚

Wilde geej gèr kãns make um jeugdprins of jeugdprinses te werre, gèf ow dan dus ôp.
Let wel goed ôp!
T is nie niks um dees functie te vervulle, neem dus same mit ow elders urst alle vurwaarde en alles wat weej van ow en ow elders verwachte dur.
As ge efkes ’n mailtje stuurt nòr jcvdemaasjoerts@gmail.com dan sture we ow alles toe.

Gèf ow vur 1 oktober ôp en wie wèt lòpte geej dit jaor beej de jeugdjoertse vuurôp ien de polonaise!

Begin mar vast mit oefene…Maasjoertse…Hoi! 🥳

Joerstepin 2026-2027


Joertse en Joertsinne!
Noa de prachtige winnende ontwerpe van de vurrige edisie’s kriegt wèr iederieën de kans um dit jaor de JOERTSEPIN te ontwerpe!
Wat môtte doen;
➡️ Màk ’n moi ontwerp; Vrije vurm en kluuëre alles mug!
(Uuteindeluk môt ut binne de 4x4cm gaon passe).
➡️Jaortal (2027) en de naam “Maasjoerts” of een (eigesgemakt) logo van de Maasjoerts môt d’r ien vur komme.
➡️Stuur ôw ontwerp als scan, teikening, PDF, Paint etc. Vúr 12 Oktober 2026 nòr; secretariaat@maasjoerts.nl (Ge hoeft genne geweldige teikenaar te zien, ’n schets kan al zat zien).
De maker van ’t winnende ontwerp kriegt enne moije pries en zal vur altied geroemd werre as d’n ontwerper van ’t 68ste seizoen!
Veul succes!
Maasjoertse Hoi!

Grote Clubactie 2026


Vanaf ànstaonde zaoterdag kômme de jeugdjoertse wèr beej ôw àn de duuër mit de loeëte van de Grote Clubactie.

Mar liefst 85% van de verkoeëp kumt rechtstreeks terecht beej de jeugdcarnaval!
Van dees ôpbrengste organisiere weej àl die moie activiteiten vur oons eige Wellse kiender.
Van de wèkelijkse rippetities vur oons gardes, ’t prinsebal, de receptie, de jeugdzittinge tot àn de kriebelbals en sneuzelbals àn toe.
Weej zurge vur veul blieje snuutjes dus! 😃

Een lot kost €3,00 en ge kunt daormit d’n hoofdpries van €100.000,00 of nog hieël veul andere moie prieës winne!
(Kiek hier vur de pries: www.clubactie.nl)
Koeëp dus zun lot en maak zelf òk kãns ôp ’n bliej snuutje! 😀

Alvast bedankt namens Jeugdcarnaval de Maasjoerts! ❤️

Stem ôp oons! Rabo ClubSupport


Weej duun mit àn de Rabo ClubSupport! 🧡

Stem ôp oons! Help oons mit àn neeje verlichte joertse vur ien ’t dörp.

Stemme kan hieël mekkelijk vanaf now ien de Rabo-app of via de site van de Rabobank. (Allieën vur Rabo leeje)

Aanmelden Jeugdcarnaval 2026-2027


🔵⚪️ Aanmelden Jeugdcarnaval 2026-2027! Het kan vanaf NU!

Zit jij volgend schooljaar in groep 7, 8 of op het voortgezet onderwijs?
Hou je van feesten, dansen of gek doen? 🥳

Wil je graag bij de mini’s, de jeugdgarde, de jeugdraad of de juniorengarde? TOP!
Meld je voor 13 juli aan bij de jeugdcarnaval.
Je bent van harte welkom! 🔵⚪️

✅️Aanmelden kan via jcvdemaasjoerts@gmail.com.

Wil je eerst wat informatie stuur dan ook even een mailtje naar voorgaand adres en wij nemen zo spoedig mogelijk contact op.

Weej weense ’n prachtig moie zommer 2026!


Weej weense alle joertskes, groeët en klèn, ’n prachtig moie zommer!
Geniet d’r lekker van zedat ge goed uutgerust àn ’n neej carnavalsseizoen kunt beginne! ❤️💛💚

❗️Mochte ôp vakansie gaon vergèt dan nie ow Maasjoertesvlag ien ’t koffer te stoppe!
Weej zien gèr foto’s vanuut de hieële wereld van joertse mit hun vlag terug ien de carnavalskrant.

📸 Stuur ow foto nòr: cvkrant@maasjoerts.nl ❗️

WELL BEDANKT!!


❤️💛💚 En…we blaoze uut. T is gedaon!

Mit ’t verbrande van de joerts neme weej afscheid van dizze carnaval, van dit seizoen.
Van alles wat oons wer same bròcht, van den lach en den traon, van dat pilske en den kater.
Van de wages en de groepe en de eenkelinge.
Van same mit zien alle ien die hette volle zaal staon, van springe en gek doen, van polonaise, van maasjoertse hoi, van verwondere, van bewondere.
Van geniete. Weej danke ôllie uut de grond van oons joertsehart vur alles.
Wat woeëne we toch ien ’n grandioos moi dörp! Trôts! ❤️💛💚
Geniet nog lekker nao, succes mit ’t opruume van de zooi en mit ’t verwijdere van alle glitters.
(We verklappe alvast dat dat nie lukt!)

Lekker uutruste en we zien mekaar wer ien ’t neeje carnavalsseizoen.
Dan duun we ’t gewoeën allemaol nog enne kieër!

Maasjoertse…Hoi!

Prieswinnaars Well-Lichtoptocht 2026


💡 Oonze prieswinnaars van de LICHTÔPTOCHT! 💡
➡️ Urste pries klène groepe: GOEËT GEMIXT
➡️ Urste pries groeëte groepe: DE STREKELS
➡️ Urste pries wages: GEN GEZICHT ’14

🏆 Publiekspries: GEN GEZICHT ’14

Proficiat!