De Zitting is terug!!


De Zitting is terug!! 👊🥳
UPDATE 🚨De zitting is terug…en hoe! T liep störm beej de vurverkoeëp!

De zaoterdag is ienmiddels knats uutverkocht, vur de vreejdag zien nog eenkele plekskes vreej.
(Mar dan òk echt nog mar ’n paar!)

➡️Kàrtjes vur de vreejdag zien nog te bestelle via ’n appje nòr 06-45824648.
——————–
Dees meense bezurge òllie enne prachtige aovend.
Mit trôts stelle weej àn òllie vur…DE ZITTINGSARTIESTE!!
●Spooky, Casper Hendrix, zurgt vur ’n paar gezellige mitzingers zedat weej metieën ien de stemming zien!
●De Junioregarde, de Groeëte Garde en Danslokaal Well verzurge de prachtige dãnse van dees aovende.
●LAF, terug van weggewèst! Hoe moi is dat! Linda Eikmans en Femmie Koppers zinge wer prachtige liedjes mit hieël pakkende, herkenbare tekste.
●Libresse 2.0 Heerlek lache um de schèle kwats van Lianda van Rens en Heidi van Pinxteren!
●HaMaNiViTo’s, d’n naam werd elk jaor langer liekt ’t wel! Mikt nie uut,
want Hai Simons, Marcel Daniels, Nick Theunissen, Vincent Peeters, en Tontje Hebben zurge al tig jaor vur humor en leuke liedjes!
●De werme bekkers, we zien hieël beneejd wat vun hot topics dees twieë komme brenge.
Neej ôp de Zitting, Stefan en Juliën Wijers.
●Lars, degene den d’r t gãnse jaor vur zurgt dat weej ôp oons hoede zien ze gauw d’r urges gefilmd werd!
Lars Krebbers besprèkt ’t soms wat vremde doen en laote van de Wellenare.
●Femke en Bart, nog ’n neeje ànwinst! Hedde ow wel ’s afgevraogd hoe ’t d’r beej d’n huusarts achter de scherme àn toe gut?
Femke Peters en Bart Groenen wieëte ’t!
●De Ald Prinse kunne natuurlek nie ontbrèke! Lekker lache en mitzinge mit hun playback act.
●Softe Korrel, van korrel 60 now nòr korrel 180. We kunne wer luustere wat Jesse Sijberts oons te vertelle het.
●Doeërke, ze het al jaorelang succes ôp de Jeugdzitting en is ienmiddels alt genoeg um enne buut beej de groeëte te doen.
T zit beej ur ien ’t bloed! Sosja Deckers.
●Bekiek ut Mar kumt nog enne kieër urre sanseveria schlager zinge.
Dat kan mar ieën ding beteikene…fieëst ien de Buun!

Vrijwilligers Well-Lichtoptocht gezocht


🚨Ôproep!!🚨
De LICHTÔPTOCHTCOMMISSIE is dringend ôp zuuk nòr ondersteuning.
Vur de volgende takepakkette zuuke weej meense die dit ôp wille pakke.
📍Contactpersoeën verkeersvrijwilligers (benadere, cursus regele,
contactpunt)
📍Beheer materiale (ienventarisiere wat nuuëdig is, evt bestelle.)
📍Digitale ondersteuning (beheer mail, ànmeldinge Lichtjesbal en Lichtjesôptocht, notuliere etc.)
Basis kennis van Excel/Word is handig.
Duude zelf mit de lichtôptocht mit of kiekte liever, dat is gen probleem.
Weej zuuke òk hulp vur allieën ien de vurbereidinge.
Help oons de Lichtôptocht meugelijk te blieve make!! 🙏
Hedde ienteresse? Of wilde vrijblievend extra ienformatie?
Laot ’t oonswieëte via lichtjesoptocht@maasjoerts.nl of sprèk ieën van decommissieleeje àn. (Jo Vossen, Dimiti Alexiou, Niels Huibers, Erik vanLieshout, Joyce Hendriks, Ger Koch en Senyre Rijkers)

Dankewel alvast en laote we same zurge vur enne stralende carnavalsmaondag ien Well! ❤️💛💚

Programma CV de Maasjoerts 2025-2026


🔵⚪Pak de agenda d’r beej! 🔵⚪

Hierbeej presentiere weej ôllie de ienvulling van ’t 67ste seizoen van CV de Maasjoerts!
Mit dit jaor extra speciaal ’t 6×11 seizoen van oons Jeugdvereniging!

Tot snel beej ieën van oons activiteiten!

Aftrap 6×11 JCV de Maasjoerts


Òvver precies 1 maond start oons 6×11 jubileumjaor!

Durrum…ôp d’n 11de van d’n 11de speciaal vur oons joertskes
(mar natuurlek òk vur alle groëte joertse) enne supergezellige “wekommevastiendestemming” fieëstaovend!
Lekker springe, dãnse en schik make! Mit DJ Pim, oons gardes, ’t jeugdjoertsejournaal en ’n moie verrassing!

🚨11-11 van 18.30-20.00 uur ien de Buun!

Bedankt!!!


Op de leejevergadering, hebbe weej afscheid genome van vurzitter Ruben Wijnen en bestuurslid Jill de Jong.
As dank vur hun ienzet wiere zeej onderscheije mit respectievelijk de Zilveren- en de Bronze Maasjoerts.

Ruben en Jill nogmaals bedankt vur alles wat gillie vur de vereniging en de carnaval ien Well hebbe gedaon! ❤️💛💚

Joertsepin 2026


Joertse en Joertsinne!
Noa de prachtige winnende ontwerpe van de vurrige edisie’s kriegt wèr iederieën de kans um dit jaor de JOERTSEPIN te ontwerpe!

Wat môtte doen;
➡️Màk ’n moi ontwerp; Vrije vurm en kluuëre alles mug!
(Uuteindeluk môt ut binne de 4x4cm gaon passe).
➡️Jaortal (2026) en de naam “Maasjoerts” of een (eigesgemakt) logo van de Maasjoerts môt d’r ien vur komme.
➡️Stuur ôw ontwerp als scan, teikening, PDF, Paint etc. Vúr 13 Oktober 2025 nòr; secretariaat@maasjoerts.nl (Ge hoeft genne geweldige teikenaar te zien, ’n schets kan al zat zien).

De maker van ’t winnende ontwerp kriegt enne moije pries en zal vur altied geroemd werre as d’n ontwerper van ’t 67ste seizoen.

Veul succes!
Maasjoertse Hoi!

Jeugd Carnaval 2025-2026


Wilde gèr beej de jeugdraod, de mini’s, de jeugdgarde of de juniorengarde en zitte ien groep 7,8 of ôp ’t vurtgezet onderwies?
Ge kunt ow nog tot zondag 29 juni 2025 ôpgève!
Stuur snel ’n mailtje nòr jcvdemaasjoerts@gmail.com vur ’n seizoen vol schik!

WELL BEDANKT !

En dan…dinsdagaovend. Mit enne lach en ’n traon is de joerts verbrãnd.
‘T klinkt cliché en we zegge ’t elk jaor, mar wat enne prachtige carnaval hebbe weej wer mugge belève!
N fieëst is moi, mar as dan al die joertse hun saamhorigheid d’r òvver uut strouwe, iederieën mekaar helpt, ànmoedigt, groeët en klèn jong en ald schik màkt mit mekaar.
Tja…dan hedde toch enne carnaval um nie te vergète!
En dan studde dus op dinsdagaovend mit ’n lach en ’n traon.

Dankewel allemaol vur dit schitterend 6×11 seizoen!
Fijn dat gillie beej alle activiteite ien groeëte getale ànwezig ware en dat weej dit vur ôllie mugge doen!
Een hieël groeët dankewel vur al die vrijwilligers, binne of buute de vereniging, die oons helpe!
Zonder ôllie wan we niks!

De joerts gut now efkes terug ziene nest ien, tot volgend seizoen!