DRINGENDE OPROEP

❗️❗️DRINGENDE OPROEP❗️❗️
Dit jaor kunne oonze wagebouwers nie terècht ien Weeze.
Dit beteikent dat d’r ’n àntal vriendegroepe, mar òk de toekomstige bouwers van de prinsewage, zeer dringend ôp zuuk zien nòr ’n bouwplàts.

Hedde geej ’n schuur, ’n loods, ’n kas, ’n garage, òk mar iets àn ruumte waor gebouwd kan werre? Wette urges ’n plats waor geïnformierd kan werre? Hedde ’n andere ôplossing?
Laot ’t oons wieëte!!
Laot oons jeugd lekker kunne bouwe en laot oons allemaol net as andere jaore van dees prachtige (licht)ôptocht creaties kunne geniete! ❤️💛💚

‘Zilvere Maasjoerts’ vur Roel

Ald vorst, ruum 11 jaor bestuurslid,en zelfs al langer actief ien diverse commissies van de Maasjoerts.
 
Weej hebbe tijdens de leejevergadering afscheid genome van Roel Koppers as bestuurslid van de vereniging.
Mit zun staat van dienst kunne we dat natuurlek nie zemar doen.
Durrum hebbe weej mit veul plezier, as erkenning vur zien jaorelange ienzèt Roel onderscheie mit d’n zilvere Maasjoerts.
Roel, nogmaals ’n groeët DANKEWEL vur alles wat ge vur CV de Maasjoerts en daormit vur Well het gedaon! ❤️💛💚

Joerste-Pin 2023-2024

Joertse en Joertsinne!
Vurrig jaor was ’t Tjeu Weijs en dat jaor d’r vur Peter op ’t Veldt. Noa de prachtige winnende ontwerpe die zeej gemakt hebbe kriegt wèr iederieën de kans um dit jaor de Joertsepin te ontwerpe!
 
Wat môtte doen;
➡️Màk ’n moi ontwerp; Vrije vurm en kluuëre alles mug!
(Uuteindeluk môt ut binne de 4x4cm gaon passe).
➡️Jaortal (2024) en de naam “Maasjoerts” of een (eigesgemakt) logo van de Maasjoerts môt d’r ien vur komme.
➡️Stuur ôw ontwerp als scan, teikening, PDF, Paint etc. Vúr 15 Oktober 2023 nòr; secretariaat@maasjoerts.nl (Ge hoeft genne geweldige teikenaar te zien, ’n schets kan al zat zien).
 
De maker van ’t winnende ontwerp kriegt enne moije pries en zal vur altied geroemd werre as d’n ontwerper van ’t joar. 🥇
Veul succes!
Maasjoertse Hoi

Foto’s Jeugdzitting 2023


Klik HIER voor Foto’s Jeugdzitting 2023

GENOTE!! Dat beschrieft ’t weekend wel.
We hebbe GENOTE! Wat hebbe we ien Well toch ’n àntal geweldige kiender!
Topartieste die hun uuterste best hebbe gedaon um oons 2 prachtige zittinge te bezurge.
En àn de reacties te huure is ze dat goed gelukt!
’n Groeët DANKJEWEL dan òk vur oons artieste! SUPER gedaon, weej zien ze trôts ôp òllie! ❤️
Mar zeker òk een dankjewel àn alle vrijwilligers die wer klaor stoonde vur oons. Zonder òllie gen jeugdzitting!
 
Biezonder dankjewel àn Ger Koch Sound Solutions en zien mannen vur ’t perfect laote verloeëpe van de technische kant. Een dankjewel vur Sjaak, Gerdien, Ron en team van de Buun vur de goeie service!
En ’t grötste DANKJEWEL is toch wel vur oonze presentatore Niels en Pedro!
Vur d’n urste kieër, mit gezonde zenuwe en spanning, vur twieë volle zale.
Gut d’r mar àn staon. Ze din ’t en ze din ’t geweldig!
’n Groeët applaus vur òllie! 👏👏👏